ദിലീപിന്റെ സൂപ്പർ ഹിറ്റ് ആയ ചിത്രമാണ് ക്രേസി ഗോപാലൻ. ഈ ചിത്രത്തിൽ നാട്ടിൻപുറത്തെ ഒരു കള്ളൻ ആയിട്ടാണ് ദിലീപ് അഭിനയിച്ചിരിക്കുന്നത്. കട്ടള ഗോപാലൻ എന്നാണ് ദിലീപ് അവതരിപ്പിച്ചിരിക്കുന്ന കഥാപാത്രത്തിന്റെ പേര്. വീടുകളിലെ കട്ടളകൾ മാത്രം മോഷ്ടിക്കുന്ന കള്ളന്റെ കഥ പറഞ്ഞ ഈ ചിത്രം ഒരു വിജയമായി മാറുകയും ചെയ്തു. എന്നാൽ ഈ കട്ടിള ഗോപാലൻ സിനിമയിൽ മാത്രമേ ഉള്ളൂ എന്ന് കരുതിയെങ്കില്‍ നിങ്ങള്ക്ക് തെറ്റി. റിയല്‍ ലൈഫിലെ കട്ടിള ഗോപാലനെ കുറിച്ചാണ് പറയുന്നത്.
പാലക്കാട്ടുകാർ ഒരു കട്ടള ഗോപാലിനെ കൊണ്ട് പൊറുതിമുട്ടി ഇരിക്കുകയാണ് ഇപ്പോള്‍. എന്നല്‍ ഇവിടെ കള്ളൻ മോഷ്ടിക്കുന്നത് കട്ടള അല്ല, മറിച്ച് വീടിന്റെ മുന്നിൽ സ്ഥാപിച്ചിരിക്കുന്ന ഗേറ്റുകൾ ആണെന്ന് മാത്രം.
ചെറുപ്പുളശ്ശേരിയുടെ വിവിധ പ്രദേശങ്ങളിൽ നിന്നും നിരവധി ഗേറ്റുകളാണ് കഴിഞ്ഞ ഒരാഴ്ചക്കകത്ത് മോഷണം പോയിരിക്കുന്നത്. വീടുകൾ ഇല്ലാത്ത പറമ്പുകളിലെ ഗേറ്റുകൾ ആയിരുന്നു ഈ കള്ളന്‍ ആദ്യം മോഷ്ടിച്ചിരുന്നതെങ്കില്‍ പിന്നീട് കള്ളൻ തന്റെ ശൈലി പാടേ മാറ്റി. പറംബുകളിലെ ഗേറ്റുകള്‍ മോഷണം നടത്തിയപ്പോള്‍ പരാതിക്കാരില്ലെന്ന് കണ്ട കള്ളൻ ആൾതാമസമുള്ള വീടുകളിലെ ഗേറ്റുകളാണ് ഇപ്പോൾ മോഷ്ടിക്കുകയാണ്. രാത്രി താഴിട്ട് പൂട്ടിയിട്ടിരിക്കുന്ന ഗേറ്റുകളുടെ പൊടി പോലും ഉണ്ടാകില്ല നേരം വെളുക്കുമ്പോൾ.
നിരവധി പരാതികളാണ് ഇത് സംബന്ധിച്ച് പോലീസിനു ലഭിച്ചു കൊണ്ടിരിക്കുന്നത്. നാട്ടിലെ സ്ഥിരം കള്ളന്മാരെ ചോദ്യം ചെയ്തെങ്കിലും അവരാരും അല്ല ഇതിന് പിന്നിൽ എന്നാണ് ലഭിക്കുന്ന വിവരം.അധികം വൈകാതെ ചെറുപ്പളശ്ശേരിയിലെ ‘കട്ടള ഗോപാലൻ’ പോലീസ് വലയിലാകും എന്നാണ് കരുതുന്നത്.