അകാലത്തിൽ ജീവൻ വെടിഞ്ഞ തന്റെ പ്രിയപ്പെട്ട സഹോദരന്റെ ഓർമ്മയ്ക്കായി പൊന്നുപോലെ സൂക്ഷിച്ചിരുന്ന ഇരുചക്ര വാഹനം മോഷണം പോയ വേദനയിലാണ് സുജീഷ്. മഞ്ചേരി സ്വദേശിയായ സുധീഷ് ഒരു കച്ചവടക്കാരൻ ആണ്. നഷ്ടപ്പെട്ട ഇരുചക്രവാഹനം കണ്ടുപിടിക്കുന്നതിന് പോലീസിന്റെ സഹായം അഭ്യർത്ഥിച്ചിരിക്കുകയാണ് ഇയാൾ ഇപ്പോള്‍. ആ വാഹനം തിരികെ തരാന്‍ തയ്യാറായാല്‍ ചോദിക്കുന്ന പണം നൽകാം എന്ന് സുജീഷ് വാക്ക് തരുന്നു. ചോമേരിയിൽ നിന്നാണ് ബൈക്ക് മോഷ്ടിക്കപ്പെട്ടത്.
ക്യാൻസർ രോഗത്തെ തുടർന്ന് വളരെ അപ്രതീക്ഷിതമായിട്ടാണ് സുജീഷിന്റെ സഹോദരൻ മരണപ്പെടുന്നത് . സഹോദരന്റെ അപ്രതീക്ഷിത വിയോഗം ഇപ്പോഴും സുജീഷിന് താങ്ങാൻ കഴിഞ്ഞിട്ടില്ല. സുജീഷിന്റെ സഹോദരന്റെ ജീവനായിരുന്നു ഈ ബൈക്ക്. സഹോദരനെ കുറിച്ചുള്ള ആകെ ഉണ്ടായിരുന്ന ഓർമ്മയാണ് തികച്ചും അപ്രതീക്ഷിതമായി നഷ്ടപ്പെട്ടത്. മോഷ്ടിക്കപ്പെട്ടത് തന്റെ ഹൃദയം ആണെന്നും ആ വാഹനവുമായി തന്റെ സഹോദരന് വളരെയധികം ആത്മബന്ധം ഉണ്ടെന്നും സുജീഷ് പറയുന്നു . അതുകൊണ്ട് തന്നെ ആ വാഹനം തിരിച്ചു നൽകിയാൽ ചോദിക്കുന്ന പണം നൽകാമെന്ന് സുജീഷ് വാക്ക് തരുന്നു.
കെ എൽ 55 എൽ 58 09 എന്ന പാഷൻ പ്രൊ ബൈക്ക് ആണ് മോഷ്ടിക്കപ്പെട്ടത് . കഴിഞ്ഞ ഞായറാഴ്ച രാത്രിയാണ് ഈ വാഹനം മോഷണം പോയത് . വാഹനം വീണ്ടെടുക്കുന്നതിനു വേണ്ടി സുജീഷ് പോലീസിൽ പരാതി നൽകിയിട്ടുണ്ട്. അതേസമയം വാഹനം തിരികെ തരാൻ കള്ളൻ തയ്യാറായാൽ താൻ പരാതി പിൻവലിക്കാന്‍ ഒരുക്കമാണെന്നും സുജീഷ് പറയുന്നു.