ലോകമെമ്പാടും ഫുട്ബോൾ ആരവങ്ങൾ മുഴങ്ങുകയാണ്. പുത്തന്‍ സമവാക്യങ്ങളും പുതിയ താരോദയങ്ങളും ഉയര്‍ന്നു വരുന്നു. ഇന്ന് ലോകത്ത് തന്നെ ഏറ്റവും കൂടുതൽ ആരാധനക്കുള്ള രണ്ട് ടീമുകളാണ് അർജന്റീനയും ബ്രസീലും. ഈ റാന്‍ഡ് ടീമുകള്‍ക്ക് വേണ്ടിയാണ് ഏറ്റവും കൂടുതല്‍ ആരാധകള്‍ ശബ്ദം ഉയര്‍ത്തുന്നത്. എന്നാൽ ബ്രസീൽ ഫൈനൽ കാണില്ല എന്ന പ്രവചനവുമായി എത്തിയിരിക്കുകയാണ് പ്രശസ്ത ജ്യോതിഷനായ അഥോസ് സലോമി. ഇദ്ദേഹത്തെ നോസ്ട്രഡാമസിനോടാണ് എല്ലാവരും ഉപമിക്കാറുള്ളത്. ഇദ്ദേഹം ബ്രസീലിയൻ ആണ്. ഇത്തവണയും ബ്രസീലിന് ലോകകപ്പ് നേടാൻ കഴിയില്ല എന്നാണ് സലോമി പറയുന്നത്.
സലോമി പ്രവചിക്കുന്നത് അനുസരിച്ച് ഇംഗ്ലണ്ടും ബ്രസീലും ബെൽജിയവും ഫൈനലിൽ എത്തില്ലെന്നും അർജന്റീനയും ഫ്രാൻസും തമ്മിലാണ് ഫൈനൽ ഉണ്ടാകാൻ പോകുന്നത് എന്നുമാണ്. സെമിഫൈനലിൽ ബ്രസീലും അർജന്റീനയും തമ്മിൽ ഉള്ള പോരാട്ടത്തിൽ ബ്രസീൽ തകർന്ന് തരിപ്പണമാകുമെന്നും സലോമി പറയുന്നു. നേരത്തെ തന്നെ ലോകത്തിലെ രണ്ടാം നമ്പർ ടീമായ ബെൽജിയം പ്രീക്വാർട്ടർ പോലും കാണാതെ ലോകകപ്പിൽ നിന്നും പുറത്താകുമെന്ന് ഇദ്ദേഹം പ്രവചിച്ചിരുന്നു. ഇത് സത്യമായതോടെ ബ്രസീൽ ആരാധകർ ആകെ അങ്കലാപ്പിലാണ്. കൃത്യമായ പ്രവചനത്തിലൂടെ ലോകത്തെ ഞെട്ടിച്ചിട്ടുള്ള വ്യക്തിയാണ് സലോമി. അതുകൊണ്ടു തന്നെ ഇദ്ദേഹത്തിന്റെ പ്രവചനം അത്ര നിസ്സാരമായി തള്ളിക്കളയാൻ ആര്‍ക്കും കഴിയില്ല.
എലിസബത്ത് രാജ്നിയുടെ മരണവും കൊറോണ വൈറസിന്റെ ആഗമനവും ഉൾപ്പെടെ ഇദ്ദേഹം പ്രവചിച്ചിരുന്നു. ഇദ്ദേഹം പറഞ്ഞതെല്ലാം കൃത്യമായതോടെ ലോകമെമ്പാടും നിരവധി ആരാധകരാണ് സലോമിക്ക് ഉള്ളത്. അതുകൊണ്ട് ബ്രസീൽ പുറത്താകും എന്ന സാലോമിയുടെ പ്രവചനത്തെ ഭയപ്പാടോടെയാണ് ബ്രസീൽ ആരാധകർ കാണുന്നത്.