നെട്ടൂരിലുള്ള ഒരു പെറ്റ് ഷോപ്പിൽ നിന്നും കഴിഞ്ഞ ദിവസമാണ് നായക്കുട്ടി മോഷണം പോയത്. ഷോപ്പ് സന്ദർശിക്കാൻ എത്തിയ ഒരു ആൺ സുഹൃത്തും പെൺകുട്ടിയും ആണ് ഇവിടെ നിന്നും നായക്കുട്ടിയെ മോഷ്ടിച്ച് കടന്നു കളഞ്ഞത് . ഇരുപതിനായിരം രൂപ വിലയുള്ള നായക്കുട്ടിയെ അതിവിദഗ്ധമായി ഹെൽമറ്റിന്റെ ഉള്ളിൽ ഒളിപ്പിച്ചാണ് ഇവർ ഷോപ്പിൽ നിന്നും രക്ഷപ്പെട്ടത്. സി സി ടിവിയിൽ ഇരുവരുടെയും ദൃശ്യങ്ങൾ വ്യക്തമായി പതിഞ്ഞിട്ടുണ്ട്. ഷിട്സൂ ഇനത്തിൽപ്പെട്ട നായക്കുട്ടിയാണ് കടയില്‍ നിന്നും മോഷണം പോയത്. കഴിഞ്ഞ ശനിയാഴ്ചയോടെയാണ് സംഭവം നടന്നത് . വളരെ സ്വഭാവികമായി ഷോപ്പ് സന്ദര്‍ശിച്ച ഇവര്‍ ജീവനക്കാര്‍ മാറിയ തക്കം നോക്കി നായയെയും മോഷ്ടിച്ചു കടന്നു കളയുക ആയിരുന്നു.
നായക്കുട്ടി കാര്യമായി ബഹളം വെക്കാതിരുന്നതാണ് കടയിലെ ജീവനക്കാർ മോഷണം നടന്ന വിവരം അറിയാതെ പോയത്. പിന്നീട് സി സി ടിവി പരിശോധിച്ചപ്പോഴാണ് നായക്കുട്ടി മോഷണം പോയ വിവരം ജീവനക്കാർ അറിയുന്നത് . ഇവര്‍ സംഭവം ഉടൻ തന്നെ പോലീസിനെ അറിയിച്ചു. തുടർന്ന് നടത്തിയ അന്വേഷണത്തിനിടെ മറ്റൊരു പെറ്റ് ഷോപ്പിൽ നിന്നും ഈ പെൺകുട്ടിയും സുഹൃത്തും നായ കുട്ടികൾക്കുള്ള തീറ്റ മോഷ്ടിച്ചതായി കണ്ടെത്തി . വേറൊരു ഷോപ്പിൽ കയറി മോഷണം നടത്തുന്നതിനിടെ ഉടമ വന്നതു കൊണ്ട് മാത്രം ഇവര്‍ ഗൂഗിൾ പേ ചെയ്തു രക്ഷപ്പെടുക ആയിരുന്നു. ഏതായാലും ഇവർക്കുള്ള തിരച്ചിൽ പോലീസ് ആരംഭിച്ചിട്ടുണ്ട് . അധികം വൈകാതെ തന്നെ ഇവരെ പിടികൂടാന്‍ കഴിയുമെന്ന് പോലീസ് അറിയിച്ചു .