ട്രോൾ ചെയ്ത് ഇത്രയും വളർത്തിയ എന്റെ ട്രോളന്മാർക്ക്; അകത്തോട്ട് കയറ്റിവിട്ട ചേട്ടൻ ഇവിടെ ഉണ്ടല്ലോ അല്ലേ; ജാമ്യത്തിൽ ഇറങ്ങിയ വിനീത് റീൽസുമായി സോഷ്യൽ മീഡിയയിൽ
വിദ്യാർത്ഥിനിയെ ബലാത്സംഗം ചെയ്ത കേസിൽ പോലീസ് പിടിയിലായി റിമാൻഡിൽ കഴിയുകയായിരുന്ന പ്രമുഖ tiktok താരം വിനീത് തന്റെ മടങ്ങി വരവ് സോഷ്യൽ മീഡിയയിൽ ആഘോഷമാക്കി . ജാമ്യം ലഭിച്ചു പുറത്തിറങ്ങിയ ഇയാൾ സമൂഹ മാധ്യമത്തിലൂടെയാണ് തന്റെ മടങ്ങിവരവ് ആഘോഷിച്ചത്.
നേരത്തെ ഇയാൾ ചെയ്ത വീഡിയോ ഇൻസ്റ്റാഗ്രാം സ്റ്റോറിയായി പങ്കു വക്കുകയായിരുന്നു. ബെൻസ് കാറിൽ വന്നിറങ്ങുന്നതും സിഗരറ്റ് വലിച്ച് പുക ഊതി വിടുന്നതുമാണ് വീഡിയോയിൽ ഉള്ളത്. തന്നെ ട്രോൾ ചെയ്ത് ഇത്രയും വളർത്തിയ ട്രോളന്മാർക്ക് എന്ന അടിക്കുറിപ്പോടെയാണ് ഇയാൾ സമൂഹ മാധ്യമത്തിൽ വീഡിയോ ഷെയർ ചെയ്തിരിക്കുന്നത്. കൂടാതെ തന്നെ അകത്തോട്ട് കയറ്റിവിട്ട ചേട്ടൻ ഇവിടെ ഉണ്ടല്ലോ അല്ലേ എന്നും ഇയാള്‍ അടിക്കുറിപ്പിൽ രേഖപ്പെടുത്തിയിട്ടുണ്ട്. ജയിലിൽ ആകുന്നതിന് ഇടയായ എല്ലാവരോടും അത് ആഘോഷമാക്കിയവരോടും ഒരു മറുപടി എന്ന നിലയിലാണ് ഇയാൾ തന്റെ പഴയ റീല്‍സ് വീഡിയോ ഇയാള്‍ വീണ്ടും പങ്കു വെച്ചത്.ഏതായലും ഈ വീഡിയോ വളരെ വേഗം തന്നെ സമൂഹ മാധ്യമത്തില്‍ വൈറലായി മാറി.
കോളേജ് വിദ്യാർത്ഥിനിയെ കൂട്ടിക്കൊണ്ടു പോയി ഹോട്ടൽ മുറിയിൽ വച്ച് പീഡിപ്പിച്ചു എന്ന പരാതിയിലാണ് കഴിഞ്ഞ ഓഗസ്റ്റിൽ വിനീതിനെ പോലീസ് അറസ്റ്റ് ചെയ്തത്. സമൂഹ മാധ്യമത്തില്‍ നിരവധി ആരാധകരുള്ള ഇയാൾക്കെതിരെ നേരത്തെ തന്നെ മോഷണക്കേസ് ഉള്‍പ്പടെ നിരവധി കേസുകള്‍ രജിസ്റ്റർ ചെയ്തിരുന്നതായി പോലീസ് പറയുന്നു . ഇയാൾ ഇപ്പോൾ ജാമ്യത്തിലാണ് ഉള്ളത്.
