ബൂട്ട്സ് ധരിച്ച കാലുകള്‍ക്ക് മുകളില്‍ തല; ഉടലില്ലാത്ത അപൂര്‍വ്വ ജീവി; ഗൂഗിള്‍ മാപ്പില്‍ പതിഞ്ഞ രൂപം കണ്ട് ഞെട്ടി ലോകം
അത്ഭുതങ്ങളുടെ കലവറയാണ് ലോകം. മനുഷ്യൻ കണ്ടെത്താത്ത നിരവധി പ്രതിഭാസങ്ങൾ ഇപ്പോഴും ഭൂമിയിൽ ഒളിഞ്ഞിരിക്കുന്നുണ്ട്. അത്തരമൊരു കാര്യമാണ് ഇംഗ്ലണ്ടിലെ ലഡ്ലോയില്‍ നടന്നിരിക്കുന്നത്. അതീവ വിചിത്രമായ ഒരു യുവതിയുടെ രൂപം കണ്ട് ഞെട്ടിത്തരിച്ചിരിക്കുകയാണ് ലോകം. ഇപ്പോഴും ഈ റോപ്പം എന്താണെന്ന് ആർക്കും വിശദീകരിക്കാൻ കഴിഞ്ഞിട്ടില്ല.
ഗൂഗിൾ മാപ്പിൽ പതിഞ്ഞിരിക്കുന്ന ഒരു സ്ത്രീയുടെ രൂപമാണ് ഇപ്പോള്‍ എവിടേയും ചര്‍ച്ചാ വിഷയം. ഈ സ്ത്രീയ്ക്ക് ഉടൽ ഇല്ല എന്നതാണ് ഏവരെയും ഭയപ്പെടുത്തുന്നത്. ബൂട്ട്സ് മാത്രം ധരിച്ച ഈ യുവതിയുടെ കാലിന് മുകളിൽ ഒരു മുഖവും കാണാൻ കഴിയും. ഗൂഗിൾ സ്ട്രീറ്റ് വ്യൂവിലാണ് ഇത് പതിഞ്ഞിരിക്കുന്നത്. ലഡ്ലോയിലെ കോട്ടയുടെ മതിലുകൾക്കിടയിലാണ് സ്ത്രീയുടെ ഈ രൂപത്തെ കണ്ടെത്തിയത്. ഈ രൂപം ഇഴഞ്ഞ് നീങ്ങുന്നതായും കാണാം. അതേസമയം ഇത് ഗൂഗിൾ മാപ്പിന് എന്തെങ്കിലും തരത്തിലുള്ള പിഴവ് പറ്റിയതാണോ എന്ന കാര്യവും വ്യക്തമല്ല. ഗൂഗിൾ മാപ്പിൽ പറഞ്ഞിരിക്കുന്ന ഇവരുടെ തല കാലിന് മുകളിലായാണ് നിൽക്കുന്നത്. അതീവ വിചിത്രം എന്ന് പറയട്ടെ ഇവർ ഗൂഗിൾ മാപ്പിന്റെ ക്യാമറക്കു നേരെ പോസ്സ് ചെയ്യുകയും ചെയ്യുന്നുണ്ട്.
ലദ്ലോയിലെ ഈ കൊട്ടാരം ഉള്ളത് ഷ്രോപ്പ് ഷെയറിലാണ്. നിരവധി ചരിത്ര പ്രാധാന്യമുള്ള ഒരു കൊട്ടാരമാണിത്. ശത്രുക്കളുടെ ആക്രമങ്ങൾക്കെതിരെ ഇത് ഒരു കോട്ടയായി പ്രവർത്തിച്ചിരുന്നു. നോർമന്‍ ഫോർ ട്രസ് എന്നാണ് ഇത് അറിയപ്പെട്ടിരുന്നത്. നിലവിൽ ഈ കോട്ട ഒരു മികച്ച ടൂറിസ്റ്റ് ഡെസ്റ്റിനേഷൻ ആണ്. സന്ദർശകർക്ക് ഈ കോട്ടയുടെ ഓരോ ഭാഗങ്ങളും ദർശിക്കുവാനുള്ള അവസരം അധികൃതര്‍ ഒരുക്കിയിട്ടുണ്ട്. നിലവിൽ കോട്ടയെ ചുറ്റിപ്പറ്റി ഉയർന്നുവന്നിരിക്കുന്ന ഈ വിവാദം ഗൂഗിൾ മാപ്പിന് സംഭവിച്ച ഒരു അബദ്ധമാണെന്ന് വലിയൊരു വിഭാഗം വാദിക്കുന്നുണ്ട്. എന്നാൽ കൂടുതൽ പേരും പറയുന്നത് ഇത് ഏതോ ഒരു ഭീകരജീവിയാണ് എന്നാണ്. ഈ ജീവി കോട്ടയുടെ അകത്തളങ്ങളിൽ ആരോരും അറിയാതെ കഴിയുകയാണെന്ന് സോഷ്യൽ മീഡിയയിലെ വലിയൊരു വിഭാഗം പറയുന്നു.
