ആനന്ദ് മഹേന്ദ്ര എന്തുകൊണ്ടാണ് സമ്പന്നരുടെ പട്ടികയിൽ മുൻനിരയിൽ ഇല്ലാത്തത്; നേരിട്ടുള്ള ചോദ്യത്തിന് വ്യവസായി നൽകിയ മറുപടി സോഷ്യൽ മീഡിയയിൽ വൈറൽ

 രാജ്യത്തെ മറ്റു വ്യവസായ പ്രമുഖരെ അപേക്ഷിച്ച് സമൂഹ മാധ്യമത്തിൽ നിറഞ്ഞു നിൽക്കുന്ന വ്യക്തിയാണ് ആനന്ത് മഹേന്ദ്ര . സോഷ്യൽ മീഡിയയിലൂടെയുള്ള അദ്ദേഹത്തിന്റെ പല ഇടപെടലുകളും ശ്രദ്ധേയമാണ്. സമൂഹ മാധ്യമത്തിൽ വളരെ സജീവമായ അദ്ദേഹം സ്വതന്ത്രമായ പല ചർച്ചകളിലും പങ്കെടുക്കുകയും അഭിപ്രായം പറയുകയും ചെയ്യാറുണ്ട്. പ്രാധാന്യമുണ്ടെന്ന് തോന്നുന്ന തന്റെ ഫോളോവേഴ്സിന്റെ ചോദ്യങ്ങൾക്ക് മറുപടി നൽകാനും അദ്ദേഹം അടിക്കാറില്ല . ഇപ്പോഴിതാ അത്തരത്തിലുള്ള ഒരു ചോദ്യവും അതിനുള്ള ആനന്ദ് മഹേന്ദ്രയുടെ മറുപടിയുമാണ് സോഷ്യൽ മീഡിയയിൽ ശ്രദ്ധ നേടുന്നത്.

  ഇന്ത്യയിലെയും ലോകത്തിലെയും  അതിസമ്പന്നരുടെ പട്ടിക പുറത്തിറങ്ങാറുണ്ടെങ്കിലും അതിന്റെ ഒന്നും മുൻനിരയിൽ മഹേന്ദ്ര ഗ്രൂപ്പിന്റെ ചെയർമാൻ ആനന്ദ് മഹേന്ദ്ര ഉണ്ടായിട്ടില്ല. ഇതിന്റെ കാരണം എന്താണ് എന്നാണ് ഒരാൾക്ക് അറിയേണ്ടിയിരുന്നത്. ഇത് ഒരാൾ അദ്ദേഹത്തോട് സോഷ്യൽ മീഡിയയിലൂടെ ചോദിക്കുകയും ചെയ്തു. ഈ ചോദ്യത്തിന് ആനന്ദ് മഹേന്ദ്ര നൽകിയ മറുപടി ഏറെ ഹൃദ്യമായിരുന്നു.

താൻ ഒരിക്കലും ധനികനാകില്ല എന്നതാണ് സത്യം. കാരണം ധനികനാകുക എന്നത് ഒരിക്കലും തന്റെ ആഗ്രഹമായിരുന്നില്ല എന്നായിരുന്നു ആനന്ദ് മഹേന്ദ്ര മറുപടി നൽകി. അദ്ദേഹത്തിന്റെ ഈ മറുപടി സോഷ്യൽ മീഡിയ അക്ഷരാർത്ഥത്തിൽ ഏറ്റെടുത്തു. നിരവധി പേരാണ് അദ്ദേഹത്തെ പുകഴ്ത്തിക്കൊണ്ട് കമന്റ് രേഖപ്പെടുത്തിയത്. ഈ ഒറ്റ മറുപടിയിലൂടെ ആനന്ദ് മഹേന്ദ്ര എല്ലാവരുടെയും ഹൃദയം കീഴടക്കിയിരിക്കുന്നു എന്നാണ് ഒരാൾ കുറിച്ചത്. ഏറ്റവും ഒടുവിൽ ഫോക്സ് മാഗസിൻ പുറത്തു വിട്ട സമ്പന്നരുടെ പട്ടികയിൽ 2.1 മില്യൺ ഡോളറിന്റെ ആസ്തിയുമായി അദ്ദേഹം 91 സ്ഥാനത്താണ് ഉള്ളത്.