സുഹൃത്തിനു ലോട്ടറി എടുത്തു കൊടുക്കാന്‍ പോയി; പക്ഷേ അവിടെ കാത്തിരുന്നത് മറ്റൊരു മഹാഭാഗ്യം; ഇത് വേറിട്ടൊരു ഭാഗ്യസഞ്ചാരം
ഭാഗ്യം അങ്ങനെയാണ്, ചിലരെ അത് അങ്ങോട്ട് അന്വേഷിച്ചെത്തും. ചിലരെ പടിവാതിക്കൽ നിന്ന് ചവിട്ടി പുറത്താക്കും. ഭാഗ്യത്തിന്റെ വഴികൾ വിചിത്രമാണ്. പറഞ്ഞു വന്നത് ഒരു ലോട്ടറി അടിച്ച കഥയാണ്. വെറുതെ ഒരു ലോട്ടറി അടിച്ചതല്ല. ഭാഗ്യദേവത പിന്നിൽ നിന്നും തട്ടി വിളിച്ചത് തന്നെ.
പതിവായി ലോട്ടറി എടുത്ത് ഭാഗ്യം പരീക്ഷിക്കുന്ന തന്റെ സുഹൃത്തിനു വേണ്ടി ലോട്ടറി എടുത്തുകൊടുക്കാൻ പോയ ഒരാളിനാണ് ഇത്തവണ സൗഭാഗ്യം തേടിയെത്തിയത്. സുഹൃത്ത് പതിവായ ലോട്ടറി എടുക്കാറുണ്ടെങ്കിലും നമ്മുടെ കഥാനായകന് ലോട്ടറി എടുക്കുന്ന യാതൊരു ശീലവും ഉണ്ടായിരുന്നില്ല. പക്ഷേ അന്നേ ദിവസം നടന്ന സംഭവങ്ങൾ തികച്ചും അവിചാരിതമായിരുന്നു.
സംഭവ ദിവസം അദ്ദേഹത്തിന്‍റെ സുഹൃത്തിന് ജോലിത്തിരക്ക് മൂലം ലോട്ടറി എടുക്കാൻ കഴിഞ്ഞില്ല. ഇതോടെ തന്റെ സുഹൃത്തിനോട് ഒരു ലോട്ടറി എടുത്തു നൽകാൻ ആവശ്യപ്പെട്ടു. അദ്ദേഹം സമ്മതിക്കുകയും ചെയ്തു. ഇങ്ങനെയാണ് ലോട്ടറി എടുക്കാൻ ഇദ്ദേഹം പോകുന്നത്. ഏതായാലും ലോട്ടറി കടയിൽ വരെ എത്തിയതല്ലേ, ഒരു ലോട്ടറി എടുത്തേക്കാമെന്ന് അദ്ദേഹം തീരുമാനിച്ചു. ഇതോടെ ടിയാന്റെ ജീവിതം മാറിമറിഞ്ഞു.
ബാസ്ക്കറ്റ്ബോൾമാൻ എന്ന പേരുള്ള നിർമ്മാണ തൊഴിലാളി യുഎസിലെ ചാൾസ് കൺട്രിയിൽ ഉള്ള ബ്രയാൻ ടൗണിൽ നിന്ന് പതിവായി ലോട്ടറി എടുക്കാറുണ്ടായിരുന്നു. സമയത്തിരക്ക് മൂലം സുഹൃത്തിനെ പറഞ്ഞയച്ചതോടെയാണ് കാര്യങ്ങൾ കീഴ്മേൽ മറിയുന്നത്. ഇദ്ദേഹം തന്റെ സഹപ്രവർത്തകനായ സുഹൃത്തിനെ പറഞ്ഞു വിടുകയും അദ്ദേഹം തനിക്ക് കൂടി ഒരു ടിക്കറ്റ് വാങ്ങുകയും ചെയ്തതോടെ കഥ മറ്റൊന്നായി. സുഹൃത്തിന് 25000 ഡോളർ ആണ് ലോട്ടറി അടിച്ചത്. ബാസ്ക്കറ്റ്ബോൾ മാനും സമ്മാനം ലഭിച്ചു. അദ്ദേഹത്തിന് 50,000 രൂപയാണ് അടിച്ചത്. അതേസമയം ബാസ്ക്കറ്റ്ബോൾ മാനും സുഹൃത്തും തങ്ങളുടെ പേര് വെളിപ്പെടുത്തിയിട്ടില്ല. ഏതായാലും സംഭവം സമൂഹ മാധ്യമത്തിൽ വൈറലായി മാറി.
