കൊറോണ വൈറസ് മനുഷ്യനിർമ്മിതമാണ്; വൈറസ് ചോർന്നത് വുഹാനിലെ ലാബിൽ നിന്ന്; വവ്വാലിന്‍റെ ശരീരത്തില്‍ വൈറസ് കുത്തിവച്ച് ആക്രമണം നടത്താന്‍ ചൈന പദ്ധതി ഇട്ടിരുന്നു; ഞെട്ടിക്കുന്ന വെളിപ്പെടുത്തലുമായി ശാസ്ത്രജ്ഞൻ രംഗത്ത്
ലോകത്തെ വർഷങ്ങളോളം പിന്നോട്ട് അടിച്ച ഭീതിജനകമായ ഒന്നായിരുന്നു കൊറോണ വൈറസ്. കൊറോണയ്ക്ക് ശേഷവും കൊറോണയ്ക്ക് മുമ്പും എന്ന തലത്തിൽ ലോകത്തെ വിഭജിച്ച മഹാമാരി. ഇന്ത്യ ഉൾപ്പെടെ ലോകത്തുള്ള സകലമാന രാജ്യങ്ങളും കൊറോണയുടെ സംഹാരതാണ്ഡവത്തിൽ വിറങ്ങേലിച്ചു പോയി. ഇന്ന് ഇന്ത്യ ഉൾപ്പെടെയുള്ള പല രാജ്യങ്ങളും കൊറോണയെ അതിജീവിച്ച് ജീവിതം സാധാരണ നിലയിലാകാൻ തുടങ്ങിയെങ്കിലും രോഗം ബാധിച്ച് ജീവൻ പൊലിഞ്ഞു പോയവരുടെ ബന്ധുക്കൾ ഇപ്പോഴുമുണ്ട്. അതുകൊണ്ടുതന്നെ കൊറോണയുടെ ഉത്ഭവത്തെക്കുറിച്ചുള്ള അന്വേഷണവും ഗവേഷണവും പുരോഗമിക്കുകയാണ്. ഇപ്പോഴിതാ വളരെ നിർണായകമായ ഒരു വെളിപ്പെടുത്തൽ നടത്തിയിരിക്കുകയാണ് ഒരു പ്രമുഖ അമേരിക്കൻ ശാസ്ത്രജ്ഞൻ.
കൊറോണ വൈറസ് ചൈനയില്‍ സ്ഥിതി ചെയ്യുന്ന റിസർച്ച് ലാബില്‍ നിന്നും ചോർന്നുപോയ മനുഷ്യ നിർമ്മിതമായ ഒരു വൈറസാണ് എന്നാണ് ഇദ്ദേഹം പറയുന്നത്. ലാബിൽ ജോലി ചെയ്തിരുന്ന ശാസ്ത്രജ്ഞനായ ആന്ഡ്റൂ ആണ് ലോകത്തോട് കൊറോണയുടെ ഉത്ഭവത്തെക്കുറിച്ച് വെളിപ്പെടുത്തിയിരിക്കുന്നത്. ഇദ്ദേഹം തന്‍റെ പുസ്തകമായ ദ ട്രൂത്ത് എബൗട്ട് വുഹാൻ എന്ന പുസ്തകത്തിലൂടെയാണ് ഈ തുറന്നുപറച്ചിൽ നടത്തിയിരിക്കുന്നത്. നേരത്തെയും ഈ ലാബ് കൊറോണയുടെ ഉത്പാദകർ എന്ന തരത്തിൽ ആരോപണ വിധേയമായിട്ടുണ്ട്. ചൈനീസ് സർക്കാരിന്റെ കീഴിൽ പ്രവർത്തിക്കുന്ന ഈ ലാബിൽ നിന്നും രണ്ട് വർഷം മുമ്പ് അബദ്ധവശാൽ ചോർന്നതാണ് കൊറോണ വൈറസ് എന്നാണ് ഇദ്ദേഹം അഭിപ്രായപ്പെടുന്നത്.
സുരക്ഷാ സംവിധാനങ്ങളുടെ കുറവാണ് വൈറസ് ചോര്‍ന്നുപോകാന്‍
ഇടയാക്കിയത്. പത്ത് വർഷത്തോളമായി ഇവിടെ വലിയ പരീക്ഷണങ്ങൾ നടന്നു വരുന്നു. വവ്വാലുകളിൽ കൊറോണ വൈറസ് കുത്തിവച്ച് ആയിരുന്നു ഇവിടെ പരീക്ഷണം നടന്നു വന്നിരുന്നത്. ഇവിടെ നടന്നിരുന്ന പരീക്ഷണത്തിന്റെ ഭാഗമായി കൊറോണ വൈറസ് കുത്തിവെച്ച വവ്വാലുകളെ ഉപയോഗിച്ച് മറ്റു ജീവികളെ ആക്രമിക്കുന്നതിനുള്ള പദ്ധതികൾ ആസൂത്രണം ചെയ്തിരുന്നു. ഈ വെളിപ്പെടുത്തൽ വലിയ പ്രത്യാഘാതമായിരിക്കും സൃഷ്ട്ടിക്കുക എന്നാണ് കരുതപ്പെടുന്നത്. മനുഷ്യരാശിയുടെ അന്ത്യത്തിന് തന്നെ ഭീഷണിയായി മാറിയേക്കാവുന്ന ഒരു വൈറസിനെ ബോധപൂർവ്വം സൃഷ്ടിച്ചു പ്രതിസന്ധി സൃഷ്ടിക്കാൻ ചൈന നടത്തിയ ഗൂഢ ശ്രമം ലോകരാജ്യങ്ങളിൽ വലിയ ഞെട്ടൽ ഉളവാക്കിയിട്ടുണ്ട്. ഈ ആരോപണത്തിന് യാതൊരു തരത്തിലും ഉള്ള മറുപടിയും നൽകാൻ ചൈന ഇതുവരെ തയ്യാറായിട്ടില്ല.
