ഇത് ഇൻസ്റ്റഗ്രാം രാജ്ഞി…ഇനി മുന്നിലുള്ളത് ക്രിസ്ത്യാനോയും മെസ്സിയും മാത്രം… ഈ 30കാരിയുടെ ഫോളോവേഴ്സിന്റെ എണ്ണം എത്രയാണെന്ന് അറിയുമോ….
നിരവധി ആരാധകരുള്ള പോപ്പ് ഗായികയാണ് സെലീന ഗോമസ്. അടുത്തിടെ ഇവര്‍ ഒരു സുവർണ്ണ നേട്ടം കൈവരിക്കുകയുണ്ടായി. ഇൻസ്റ്റഗ്രാമിൽ ഏറ്റവും അധികം ഫോളോവേഴ്സ് ഉള്ള വനിതയായി ഇവര്‍ മാറി . 400 ദശലക്ഷത്തിലധികം പേരാണ് ഇൻസ്റ്റയിൽ സെലീന ഗോമസിനെ ഫോളോ ചെയ്യുന്നത്. ഫോളോവേഴ്സിന്റെ എണ്ണം 400 ദശലക്ഷം കടക്കുന്ന ആദ്യത്തെ വനിത എന്ന നേട്ടവും സെലീന എന്ന മുപ്പതുകാരി ഇതിലൂടെ സ്വന്തമാക്കി. ഈ പുതിയ നേട്ടത്തിലൂടെ സെലീന മറികടന്നത് ഇൻസ്റ്റഗ്രാമിലെ മറ്റൊരു സൂപ്പര്‍ താരമായ കൈലി ജന്നറിനെ ആണ്.
മാർച്ച് 18നാണ് ഇൻസ്റ്റഗ്രാമിൽ ചരിത്ര പരമായ നേട്ടം സെലീന സ്വന്തമാക്കുന്നത്. അതിനു മുൻപ് വരെ കൈലി ജന്നർ ആയിരുന്നു ഇൻസ്റ്റഗ്രാമിൽ ഏറ്റവും അധികം ഫോളോവേഴ്സ് ഉണ്ടായിരുന്ന വനിത. എന്നാൽ അവരെ കഴിഞ്ഞ മാസം തന്നെ സെലീന പിന്തള്ളിയിരുന്നു . നിലവിൽ ഇൻസ്റ്റഗ്രാമിൽ ഏറ്റവും അധികം ആളുകൾ ഫോളോ ചെയ്യുന്ന മൂന്നാമത്തെ വ്യക്തി എന്ന നേട്ടവും സെലീന കരസ്ഥമാക്കി . ഇനി സലീനയ്ക്ക് മുന്നില്‍ ഉള്ളത് സാക്ഷാൽ ക്രിസ്ത്യാനോ റൊണാൾഡോയും , ലയണൽ മെസ്സിയും മാത്രമാണ്.
400 ദശലക്ഷം ഫോളോവേഴ്സ് എന്ന നേട്ടം സ്വന്തമാക്കിയതിനു ശേഷം സെലീന സമൂഹ മാധ്യമത്തിൽ തന്റെ ആരാധകർക്കായി കുറിച്ചത് , “ നിങ്ങൾ 400 ദശലക്ഷം പേരെയും കെട്ടിപ്പിടിക്കാൻ എനിക്ക് കഴിഞ്ഞിരുന്നെങ്കിൽ “ എന്നായിരുന്നു. ഏറ്റവും ഒടുവിലത്തെ കണക്ക് അനുസരിച്ച് സെലീന ഗോമസിന്റെ ഇൻസ്റ്റഗ്രാമിലെ ഫോളോവേഴ്സിന്റെ എണ്ണം 401 ദശലക്ഷം പേരാണ്.
